Мәншүк Мәметова атындағы мұражай үйі

1982 жылы Ұлы Отан соғысысы батырының туғанына 60 жыл толуына орай Батыс Қазақстан облысының әкімшілік орталығы Орал қаласында батыр атындағы мемориалдық мұражай ашылды.

Мұражай экспозициясында өткен ғасырдың отызыншы жылдарындағы қалалық пәтерлердің өмірі мен интерьері көрсетілген. Сол жылдары міндетті түрде сандық, "Zinger" тігін машинасы, қораптардың барлық түрлері, кестелі төсек-орын , самаурын болған. Бұл заттардың барлығы мұражайда көрсетіліп, адамдардың жүз жыл бұрын қалай өмір сүргенін түсінуге мүмкіндік беретін белгілі бір атмосфера жасайды.

Бұл үйдегі ең маңызды экспонаттар – Мәншүктің хаттары мен күнделіктері, оның суреттері мен кітаптары. Оларды батыр қыздың анасы мұражайға сыйға тартқан. Экспонаттар арасында Мәншүктің аты жазылғанған қамшы да бар. Жылқыны басқаруға арналған бұл құрал Мәншүкке ат жарысында жеңіске жету үшін сыйлық ретінде ұсынылды.

Сонымен қатар, бұл мұражай ресейлік ізкесушілер батыр қыздың қайтыс болған жерінде табылған солдат каскасын, пулемет таспасына арналған қорапты және мыжылып қалған құтыны көздің қарашығындай сақтауда.

Әрине, мұражай экспонаттары Ұлы Отан соғысының тарихы туралы баяндайды, кеңестік-германдық майдандағы ұрыс қимылдарын хронологиялық түрде көрсетеді. Ал экспозицияның шарықтау шегі мәскеулік әскери суретші Михаил Ананьев авторы болған Қазақстандағы жалғыз "Мәншүктің мәңгі өшпес ерлігі" диорамасы болып табылады.

Мұражайдың ауласында жас батырдың мүсіні орналасқан. Сондай-ақ Орал қаласында Кеңес Одағының батыры есімі берілген көшеде Мәншүктің ескерткіші тұр.

2021-2022 жылдарға арналған пайдалы кеңестер.

Жету жолдары

Мәншүк Мәметованың мұражайы Орал қаласының орталығында орналасқан деуге болады. Мекенжайы: Сарайшық көшесі 51. Бағдар ретінде қаланың басқа да көрікті жерлері – Назарбаев даңғылындағы архитектуралық жауһар болып саналатын Христос Спаситель Храмы және Х. Бөкеева атындағы драма театрын беттеуге болады.

Тамақтану және қонатын жер

Орал – Қазақстандағы ірі қаланың бірі. Бұнда қонақ үй, хостел, мейрамхана және кафенің түрлері көп және жақсы таңдауы бар.