Шілік өзені

Шілік өзені Тянь-Шаньның солтүстік жоталары - Күнгей және Іле Алатауын бөліп жатқан тауаралық аңғармен ағып жатыр. Жалпы ұзындығы 420 шақырымға жетеді.

Қайрақты шатқалына қарсы тұста, өзен ерте дәуірлерде қалыптасқан табиғи бөгетті кесіп өтеді. Бұл бөгет шатқалдың оң жақ беткейінде болған тау опырылуы салдарынан пайда болған.

Шіліктің таудағы бөлігінде 45-тен артық саласы болғанымен, жазықтағы бөлігінде бірде бір саласы жоқ. Бұл - Іле Алатауындағы лайлану деңгейі ең жоғары өзен. Таудан шығар бетінде лайлылықтың жылдық орта көрсеткіші бір текше метрге 571 граммды көрсетеді. Ніл және Терек өзендерінің көрсеткіші шамамен осындай.  

Өзендегі өлшенген, еріген, түбіндегі үйінділердің жылдық орташа мөлшері 1702 мың тоннаға жетеді. Одан бөлек, Шіліктің гидроэнергетикалық мүмкіндіктері зор. Іле Алатауы етегіндегі шаруашылықтардағы жасанды суару жүйесі де осы Шіліктің суымен қамтамассыз етіледі.