Баянкөл шатқалы

Баянкөл өзені ағып өтетін осынау жасыл желекке оранған шатқалға автокөлікпен Алматы қаласынан 6 сағат ішінде жетуге болады. Әдетте шатқал соңында, құлап жатқан алып тастардың үстімен өзеннің арғы бетіне өтуге болатын тұста, кішігірім шекаралық қызмет бекеті орналасады. Шатқалмен жоғары, оңтүстікке қарай, 3200 метр биіктікте шатқал тарылып, Баянкөл өзені бастау алатын Сарыжаз мұздығының сұр-қоңыр мореналарымен аяқталады. Одан ары басым көпшілігі белгісіз асқар шыңдар(бесеуінің биіктігі 5000 метрден асады): Қазақстан шыңы(5741м), Баянкөл шыңы(5841м), Семенов шыңы(5816м), Қарлытау шыңы(5450м), Пограничник шыңы(5258м) және Тянь-Шаньның таңқалдырарлық шыңдарының бірі - Мәрмәр қабырға шыңы көрінеді. Күн райы ашық кездері алыстан бұл өлкедегі бар шыңнан бөлектеніп тұратын Хан Тәңірінің күміс сұлбасы көз алдыңызға келеді.