Абай атындағы Мемлекеттік академиялық опера және балет театры

Театр қазақтың ұлы мәдениет қайраткері – Абай Құнанбайұлының есімімен аталған.

Театр құрылуының алғышарты 1934 жылы арнайы музыка студиясының әртістері «Айман-Шолпан» комедиясының көпшілікке арналған қойылымын ойнаған мезеттен бастап қалыптасты. Көп күттірмей, 1941 жылы театрдың салтанатты ашылуы болды. Көптеген  жарқыраған жаңа ғимараттар бой көтерсе де, бұл зәулім құрылыс қазірдің өзінде назарсыз қалмақ емес, ал қазақы нақышта орындалған бай ішкі безендіру мен әрлеу қашанда келуші қауымның көзін қуантады.

Театрдың жұмысы заман талабына ілесіп келеді. Өнер ордасының киелі сахнасында әрдайым жүздеген көрерменнің жүрегінен орын табатын, өзекті де жанды қойылымдар қойылады. МАОБТ Азия, Еуропа және Америкада тұрақты түрде гастрольдер өткізіп, қазақ өнеріне деген сүйіспеншілік пен құрмет сезімін әлемдік дәрежеде насихаттап жүр .

Абай атындағы Мемлекеттік академиялық опера және балет театры – театр өнерінің танылған шеберлерінің кәсібилігі мен жоғары талғамды классикалық репертуардың кереметіне куә болып, рухани байлыққа кенелер мәдени орын.