Олимпиададан жақсы: Неге Қазақстанға Дүниежүзілік көшпенділер ойындарына келу керек

2024 - Дүниежүзілік көшпенділер ойындары 2024 жылғы 8-15 қыркүйек аралығында Қазақстанның елордасы – Астанада өтеді.

Дүниежүзілік көшпенділер ойындары (World Nomad Games) – бұл Орталық Азияның тарихи көшпелі халықтарының ұлттық ойындарына негізделген этникалық спорт түрлері бойынша халықаралық спорттық жарыстар. Ойындар екі жылда бір рет өтеді. 2022 жылы ойында Түркияда өткен болатын. Сол кезде Қазақстан көкпардан Қырғызстан құрамасын 4:3 есебімен ұтып, чемпион атанды.

Ойындарға тек аймақ елдері ғана емес, кейде тіпті АҚШ, Германия, Сингапур сияқты дәстүрлі түрде көшпелі емес елдер де қатысады

«Жарыс қазақша күрес, көкпар (ат спорты ойыны), құсбегілік (саятшылық), асық ату, тоғызқұмалақ (логикаға арналған үстел ойыны) сияқты қазақтың ұлттық спорт түрлерінен, сондай-ақ шет елдерде таралған, бірақ түп-тамыры ортақ көптеген басқа спорт түрлерінен өтеді».

Неліктен туристер ойындарға баруы керек?

Мәдени мұрамен танысу

Көшпенділер ойындары – көшпенділердің мәдени мұрасы мен дәстүрлерінің бір бөлігі. Іс-шараға бару туристерге шынайы ахуалға енуге және жергілікті мәдениет туралы көбірек мәлімет алуға мүмкіндік береді. Сізге тіпті осы спорт түрлерінен өзіңізді сынап көрудің де сәті түсіп қалар.

Көңілді уақыт өткізу

Ойындар кезінде тек спорттық іс-шаралар ғана емес, сонымен қатар ұлттық билер, әндер, киімдер және т.б. көрсетілетін фестивальдер де ұйымдастырылады. Сондай-ақ ғылыми дөңгелек үстелдер, концерттер, шеберлік сыныптары мен конференциялар өткізіледі. Мереке ахуалы әрбір ілеспе іс-шарамен қатар жүреді, сондықтан сіз уақытыңызды тиімді өткізесіз.

Табиғат сұлулығына куә болу

Кейбір спорт түрлері жарыстарды жабық спорт кешендерінде емес, табиғат аясында өткізуді талап етеді. Сіз адреналин сезініп, өзіңізге ұнаған спортшыларға жанкүйер бола отырып, мерекенің спорттық бөлігін ғана емес, сонымен қатар Қазақстанның ғажайып даласын да тамашалай аласыз.  

Орталық Азия туралы көбірек мағлұмат алу

Көшпенділер ойындарына келсеңіз, сіз міндетті түрде өңір туралы көбірек мағлұматқа қанық боласыз. Жоқ дегенде, ұлттық спорт түрлері туралы: түрлері, ережелері, ерекшеліктері туралы мәлімет аласыз. Сондай-ақ, қосымша мәдени іс-шаралар кезінде сіз көшпенділердің өмірімен, тұрмысымен, дәстүрлерімен танысып, өңір мәдениетіне қанығасыз. 

Кеңестер:

1. Ең жақсы әдіс - ойындарға және Астана қаласына ғана емес, сондай-ақ Жібек жолы бойындағы басқа қалаларға да сапарды қамтитын турларды сатып алу. 

2. Сондай-ақ, сіз билеттерді өз бетіңізше сатып алып, Астанада тұрғын үйді брондай аласыз, бірақ мұны алдын ала жасауыңыз керек, өйткені ойындарға көп адам келеді, олардың ішінде спортшылар мен көрермендер бар.

3. Сондай-ақ, ойындарға билетті алдын ала сатып алу керек. Мұны іс-шараның сайтында жасауға болады (сатылымның басталатыны туралы алдын ала хабарлаймыз).

4. Егер сіз өз бетіңізше келуді шешсеңіз, маршрутты Астана маңындағы керемет көрікті жерлерге, мысалы, Бурабайға баратындай етіп жоспарлаңыз.

5. Жергілікті тағамдармен танысыңыз. Ет, құрт, жент және қымыз сізді таң қалдырары анық! Оларды міндетті түрде татып көру керек!