«Бұйратау» мемлекеттік ұлттық табиғи саябағы

Ұлттық саябақ Ақмола және Қарағанды облыстары аумағында, орташа құрғақ және қуаң дала зоналарының аралығында орналасқан. Соның нәтижесінде саябақта орман және дала экожүйелерінің үйелесімі жақсы байқалады. Бұйратау қарамағындағы барлық нысандар Қазақстанның ерекше қорғалатын табиғи аймақтары қатарына кіреді. Олар еліміздегі биологиялық алуантүрлілікті сақтап, оны ғылыми, ағартушылық, туристік қызмет мақсаттарында қолдану үрдісінде маңызды орын алады.   

Бұйратау аумағындағы аса бай фауна мен флора, реликті табиғи нысандар жабайы табиғатқа әуес ешбір саяхатшыны бейжай қалдырмайды. Десек те, ұлттық табиғи саябақтың негізгі қызметі туристік іс-шараларды ұйымдастумен қоса, биотүрлілікті сақтау және  аясын кеңейту, көпшілікке насихаттау міндеттеріне сай келеді. 

Жалпы адамзат үшін, табиғи саябақтар - Табиғат-Ана тарту еткен баға жетпес мұраны аялап сақтап қалудың керемет мүмкіндігі.