«Медеу» спорт кешені

"Медеу" - спорт үздіктерінің әлемдік рекордтары сияқты баршаға мәлім деректерден бастап, мұз айдынына шыққан әрбір жанның құпия сырын сақтаған алып кітап іспеттес әр келушісіне ұмытылмас оқиға сыйлайтын ғажайып мекен,

Мұндағы ауа райы керемет: жайлы атмосфералық қысым, самал жел, қалыпты деңгейдегі күн радиациясы(денсаулығы сыр беріп жүргендерге де еш зияны жоқ). Медеуге қанша рет келсеңіз, сонша рет қайта оралуға ниет танытасыз. Алғашында өзіне тәнті еткен Іле Алатауының сұлулығы мен "Медеу әлемі" ендігіде сізді алшаққа жібермесі анық.

Белсенді және салауатты демалыс, сыпайы қызметкерлер, дәмді кофе, көркем көрініс, келушілердің жайдары да бақытты жүздері. Бір сөзбен:  Медеудің мың бояулы келбетін сөзбен жеткізу мүмкін емес, сіз оны өз көзіңізбен көріп, сезінуіңіз керек.