"Табаған" тау-шаңғы курорты

«Табаған» тау-шаңғы курорты қала орталығынан небәрі 17 шақырым жерде орналасқандықтан, кешенге жылдам әрі еш қиындықсыз жетуге болады. Егер сіз сноуборт немесе шаңғы тебуді енді үйреніп жүрсеңіз, онда Табаған жаттығу, жүріс икемін шыңдау немесе жай ғана таза ауада уақыт өткізу үшін тамаша орын. Сонымен қоса, тау-шаңғы курортында арқан жолмен және жыл бойы ашық тұратын шана төбешігімен сырғанауға болады; кешен аумағында теннис корты, футбол және волейбол алаңдары орналасқан.

Әр тұстан тамашалуға болатын таңғажайып тау бөктері мен шыршалы ормандардың көрінісі, тәжірибелі саяхатшылардың өзін таңдандырмай қоймайды. «Табаған» тау-шаңғы курорты - деніңізді сауықтырып, демалысыңызды белсенді де сапалы өткізуге керемет мүмкіндіктер сыйлайтын орын.