Халықаралық «KazBuild 2020» құрылыс және интерьер көрмесі

KazBuild көрмесі 1994 жылдан бастап жыл сайын өткізіліп келеді. Көрменің ұйымдастырылуына Қазақстан Республикасы Индустрия және инфрақұрылымдық даму министрлігінің Құрылыс және тұрғын үй-коммуналдық шаруашылық істері комитеті, Алматы қаласы әкімдігі қолдау көрсетеді. Аймақтағы ең ірі құрылыс көрме жобасы ретінде, KazBuild құрылыс индустриясының барлық жаңа тенденцияларын айқындайды.

Kazbuild 2016 көрмесіне 24 елден 329 компания қатысты. Германия, Италия, Қытай, БАӘ және Оңтүстік Корея сияқты елдердің ұлттық стендтері ұсынылды. KazBuild 2016 қатысушыларының тізімі жаңа атаулармен толықтырылды: 180-ден астам жаңа қатысушы көрме алаңынан орын алды. Олардың 147-сі Қазақстанда өз өнімдерін алғаш рет ұсынды. Көрмені жалпы саны 6032 бірегей келуші тамашалаған. Бұл өткен жылғы көрсеткіштермен салыстырғанда 21% -ға артық.

Әлемнің 28 елінен келген 408 экспонент және субэкспонент компаниялардың басын біріктерген KazBuild / WorldBuild Almaty 2017 көрмесі «Атакент» көрме кешенінің 4 павильонын қамтыды. Көрме барысында Германия, Үндістан, Италия, Қытай, Литва, БАӘ, Польша, Португалия, Ресей, Сербия сияқты елдер ұлттық стендтерін ұсынды. Төрт күн ішінде көрмеге Қазақстан Республикасының 13 облысынан, Ресей Федерациясының 22 аймағынан, Беларуссиядан, Украинадан және Қытайдан 4109 адам келді. Бұл орайда олардың 37,17%-ы  әлеуетті сатып алушыларды құрады.